ORIENTABIDE OROKORRAK

Psikomotrizitate saio bat aurrera eramateko, oinarrizkoena psikomotrizitate gela egoki
bat izatea da. Gela horretan material ezberdinak egotea beharrezkoa da, umeek gaitasun
guztiak era egokian garatu ahal izateko eta aukera ezberdin asko eduki ahal izateko. 
Umeek psikomotrizitate gelan ekintza ezberdinak egin ditzakete: Ostikadak eman, salto 
egin, oihukatu, margotu, abestu, gauzak bota, etxebizitzak eraiki…

Psikomotrizitate-gelan dauden txokoak honelakoak izango dira:

-Txoko sentsomotorra: Txoko honetan hainbat ariketa egin daitezke, horien artean 

nagusienak honako hauek dira, kulunkada, jauziak, irristaketak, itzulipurdiak, 

eskailerak igo, korrika egin… Atal onetan egiten diren mugimenduak bat batekoak

dira, gorputzaren identitateari garrantzia emateko. 

-Joko sinbolikoen txokoa: Txoko honetan umeek barnean dutena adierazten dute 

besteen onarpena bilatzeko asmotan. Umeak bere plazerrak eta gatazkak bizitzen 

ditu eta hauek menderatzea du helburu. Dimentsio sinbolikoa garatzen da.

-Urruntzeko edo komunikazioaren txokoa: Txoko honen helburua, umeak beste  

bietaz ahaztea da eta horietan bizitakoa alde batera uztea. Txoko honetan hainbat 

ekintza egin daitezke, eraiki, moldeatu, marraztu, margotu…

Psikomotrizitate gelan txoko horiek izateaz aparte, material batzuk beharrezkoak dira. Egia
da txoko bakoitzean material ezberdin batzuk behar dituztela, baina psikomotrizitate gela 
guztietan egon beharrekoak honak hauek dira, beste batzuen artean: Ispiluak (umeak haien
burua bertan ikusi ahal izateko), tamaina ezberdinetako pilotak, mantelak, oihalak, paperak, 
kartoiak, kartoizko kutxak, puxikak, ezkutatzeko egiturak, koltxonetak, mahaiak, suediar 
bankuak, babesteko egitura ezberdinak….

Horretaz aparte, askotan oso erabilgarria da gela arruntan bertan, psikomotrizitate txoko bat
izatea pilota batzuekin eta alfonfra edo koltxoneta txiki batekin, umeak noizbehinka bertan 
egon ahal izateko.